Download Chalo re doli lata song

Title : Chalo Re Doli Uthao
Movie/Album Name: JAANI DUSHMAN (OLD)
Singer(s) : KISHORE KUMAR, LATA MANGESHKAR

Lyrics:

chalo re doli uthaao kahaar
piya milan ki rut aai
pi ki nagari le jaao kahaar
piya milan ki rut aai

jin nainon ki tu hai jyoti
un nainon se barase moti
daava nahi hai koi zor nahi hai
beti sada hi paraai hoti
jaldi naihar se le jaao, kahaar
piya milan ki rut aai

chhaai hai dekho hariyaali
aai hai rut khushiyon vaali
har aasha parvaan chadhi
din hai dasahara raat deevaali
gale daal baahon ka haar, kahaar
piya milan ki rut aai

tan maike man teri nagariya
ud jaaoon main banake badariya
chaand nagar ko chali chakori
pyaasi hoon milan ki saanvariya
mere sapane sajaao, kahaar
piya milan ki rut aai

sooni padi bhaiya ki haveli
vyaakul bahana rah gai akeli
jin sang naachi jin sang kheli
chhoot gai vo sakhi saheli
ab na deri lagaao, kahaar
piya milan ki rut aai